لندن:سوشل میڈیا سائٹس پر وائرل ہوتی تصویر میں دیکھا جا سکتا ہے کہ مچھلیوں کی ایک انوکھی قسم ’ اسٹنگرے‘ ایک شیر خوار بچی کے چہرے کے تاثرات کی نقل اتار رہی ہے۔سوشل میڈیا پر ایک صارف کی جانب سے یہ دلچسپ تصویر شیئر کی گئی ہے جس میں ایک مچھلی اُن کی شیر خوار حیران زدہ بیٹی کے چہرے کے تاثرات کی ہو بہو نقل اتار رہی ہے۔
میڈیا رپورٹس کے مطابق انگلینڈ کے ٹاؤن ورکنگٹن کی وینڈی آرمسٹرانگ نامی رہائشی کی جانب سے اپنی بچی کی یہ دلچسپ تصویر شیئر کرنا ہی تھا کہ انٹرنیٹ صارفین اس تصویر سے خوب محظوظ ہوئے اور اسے اپنے پیجز پر شیئر کر رہے ہیں۔
بچی کی والدہ وینڈی آرمسٹرانگ کا سوشل میڈیا پر بتانا ہے کہ وہ اکثر اوقات اپنے گھر کے قریب جھیل کے ایکوریم میں جاتی رہتی ہیں، اس بار انہوں نے محسوس کیا کے ایک اسٹنگرے مچھلی اُن کی چھے ماہ کی بچی میں کچھ زیادہ ہی دلچسپی لے رہی ہے ۔
اُن کی 6 ماہ کی بچی ڈیزی کے چہرے کے جب سنجیدہ تاثرات ہوئے تو انہوں نے محسوس کیا کہ اسٹنگرے مچھلی نے بھی اُن کی بیٹی کے تاثرات کی ہو بہو نقل کی۔
(43)
