گوجر خان :لاک ڈاؤن میں توسیع کے خلاف تاجروں کی طرف سے زبردست احتجاجی ریلی نکالی گئی۔کورونا لاک ڈاؤن کی آڑ میں کاروباری سرگرمیوں پر پابندی اور توسیع کسی صورت برداشت نہیں این سی او سی اور حکومت ہوش کے ناخن لے تاجروں کے صبر کا امتحان نہ لیا جائے لاک ڈاؤن کے فیصلے پر نظر ثانی کی جائے یہ تاجروں کو بھوکا مارنے کی پالیسی ہے ان خیالات کا اظہار مرکزی انجمن تاجراں گوجرخان کے صدر حاجی راجہ محمد جواد ۔اور جنرل سیکرٹری الحاج شہادت حسین بٹ کھوکھا بازار کے صدر مرزا تیمور وارثی نے لاک ڈاؤن میں توسیع کے خلاف گوجرخان سروس روڈ پر منعقدہ مرکزی انجمن تاجراں گوجرخان کے زیر اہتمام بڑے احتجاجی مظاہرہ سے خطاب کرتے ہوئے کیا ۔
اس موقع پر شیخ الطاف ۔غلام قمر۔راجہ سرفراز حاجی ملک محبوب ۔ مرزا شفیق ۔خالد شیشے والے ۔غلام جیلانی راجہ اختر سیٹھی فہیم ۔جاوید بٹ راجہ عمران کامی ۔رمضان چشتی ۔زبیر قریشی ۔شاہد قریشی ۔مراز آصف صوفی بشیر اللہ والے راجہ پرویز ۔رضوان قریشی عامر شیخ ۔چویدری دلدار پپو کپتان شاہد ۔طارق صراف شکیل عطاری و دیگر نے وفود کے ہمراہ شرکت کی مظاہرہ میں ذیلی تنظیموں کے عہدیداران اور تاجروں نے بڑی تعداد میں شرکت کی۔
انہوں نے کہا کہ گوجر خان میں ویکسین کا عمل ستر فیصد سے زائد مکمل ہو چکا ہے تاجروں کی اکثریت اور ملازمین نے بھی ویکسینیشن کرا لی ہے انہیں کاروبار کی اجازت دی جائے اب لاک ڈاؤن میں مزید 15 ستمبر تک توسیع کاروباری طبقہ کے معاشی قتل کے مترادف ہے ۔حکومت کی پالیسیوں سے تاجروں کو بند گلی میں دھکیلا جا رہا ہے ۔ مہینہ میں پندرہ دن کام پندرہ دن چھٹی سے مسائل سنگین رخ اختیار کر رہے ہیں تاجروں کو اعتماد میں لے کر پالیسی مرتب کی جائے لاک ڈاؤن میں اضافے کے فیصلے پر نظر ثانی کی جائے کورونا کی آڑ میں لاک ڈاؤن کی شکل میں تاجروں کا معاشی قتل کیا جا رہا ہے ۔
راجہ محمد جواد نے کہا کہ ۔ این سی او سی کے فیصلوں سے تاجروں میں اب شدید بے چینی پائی جاتی ہے وہ مزید لاک ڈاؤن کسی صورت برداشت نہیں کر سکتے پہلے ہی حکومت نے بجلی گیس کے نرخوں میں کئ گنا اضافہ کر کے عوام کا جینا محال کر رکھا ہے ۔ ریلیف دینے کی بجائے ٹیکسوں کی بھرمار سے صورتحال اور مشکل ہو گئی ہے ۔حکومت تاجروں کے صبر کا امتحان نہ لے ۔ انہوں نے کہا کہ ایک ماہ میں پندرہ دن لاک ڈاؤن اور پندرہ دن کام سے پیدا ہونے والی صورتحال کے پیش نظر دوکاندار حضرات کے لئے کرایہ ۔ملازمین کی تنخواہوں اور یوٹلٹی بلز کی ادائیگی بھی ناممکن ہو گئ ہے ۔
اس صورتحال میں دیگر ممالک کی طرح پاکستانی حکومت کو تاجر برادری کے لیے خصوصی ریلیف پیکیج دینا چاہیے لیکن صورتحال اسکے برعکس ہے اب دو وقت کی روٹی کا حصول بھی مشکل ہو گیا ہے ۔انہوں نے کہا کہ وہ اس سلسلے میں مرکزی انجمن تاجراں پاکستان اور پنجاب کی قیادت کے ساتھ رابطے میں ہیں ۔ اس ضمن میں وہ وفاقی وزیر اسد عمر ۔شیخ رشید ۔راجہ بشارت ۔راجہ پرویز اشرف ۔چوہدری جاوید کوثر سے بھی ملاقات کر کے تاجروں کی پریشانی سے آگاہ کریں گے مظاہرہ میں لاک ڈاؤن کے خلاف نعرہ بازی کی گئی۔
(27)
