راولپنڈی:تھانہ بھارہ کہوکے علاقہ میں سعودی عرب سے واپس آنے والے شہری کو نوسربازوں نے لوٹ لیا۔
خلیل الرحمٰن عباسی نے تھانہ بھارہ کہوکوبتایاکہ ہفتہ کی صبح اسلام آبادائرپورٹ سے اپنے آبائی گاؤں مری جارہے تھے کہ ڈونگی کسی بھارہ کہو کے قریب سفید گاڑی میں سوار تین نامعلوم افراد جنہوں نے وائرلیس سیٹ اٹھائے تھے ہمیں روک لیا اور خود کو پولیس اہلکار ظاہر کر کے میری تلاشی لیتے ہوئے 14 ہزار سعودی ریال اور پاسپورٹ چھین کر فرار ہوگئے۔
متاثرہ شہری کے مطابق ملزمان میں سے ڈرائیونگ سیٹ پر بیٹھے کا ظاہری حلیہ عمر 27/28 سال ملیشیا رنگ کے کپڑوں میں ملبوس واسکٹ پہنے،دوسرا عمر 25/26 سال پینٹ شرٹ،جبکہ پیچھے بیٹھا تیسرا ملزم پینٹ شرٹ میں ملبوس 24/25 سال کی عمر کا نظر آرہا تھا۔بارہ کہو پولیس نے واقعہ کا مقدمہ درج کرلیا۔
(57)
