راولپنڈی:راولپنڈی کے مختلف علاقوں میں ٹریفک حادثات میں ایک خاتون سمیت دوافرادجاں بحق ہوگئے۔
تھانہ ویسٹریج کو مشتاق احمد نے بتایاکہ سائل کی بیوی عذر ابی بی چوہڑ ہڑپال بینک سے رقم نکلوانے جا رہی تھی جب بینک کے قریب پہنچی تو روڈ کراس کرتے ہوئےتیز رفتار گاڑی نمبر ایف جی -808اسلام آباد نے اس کو ٹکر مار کر شدید زخمی کر دیا ۔
ڈرائیور نے لوگوں کے ساتھ مل کر میری زخمی اہلیہ کواپنی گاڑی میں ہسپتال پہنچا یا اور اسے وہاں بے یار و مدد گار چھوڑ کر گاڑی بھگا کر فرار ہو گیا ۔ سائل کی بیوی زخموں کی تاب نہ لاتے ہو ئے فوت ہو گئی۔
تھانہ ٹیکسلاکو ندیم احمد نے بتایا کہ میں اورمیرابھائی فہیم احمد ٹیکسلا ریلوے سٹیشن جارہے تھے جب ہم ٹیکسلا کچہری یوٹرن پر پہنچے تو پیچھے سے ایک ڈیمپر نمبر جی ایل ٹی -495جس کے ڈرائیور کا نام اسدعلی معلوم ہوا نہایت غفلت و لاپرواہی تیز رفتاری سے آیا اور موٹر سائیکل کو ٹکر ماری جس سے میرے بھائی کے سر پر چوٹیں آئیں اور وہ موقع پر جاں بحق ہو گیا ۔
(0)
