راولپنڈی:جڑواں شہروں میں ٹریفک حادثات میں ایک کم سن بچے اوردوخواتین سمیت چار افرادجان کی بازی ہارگئے ۔
تھانہ آئی نائن اے ایس آئی محمدخان نے بتایاکہ شکرپڑیاں پل کے قریب نامعلوم گاڑی کی ٹکرلگنے سے ساٹھ پینسٹھ سالہ شخص جاں بحق ہوگیا جس کی شناخت نہیں ہوسکی متوفی کے چہرے پرسفیدداڑھی ہے اوراس نے شلوارقمیض پہن رکھی تھی پولیس نے اس کی نعش پمزہسپتال کے مردہ خانہ میں رکھوادی ۔
تھانہ روات کو بہادر خا ن نے بتایاکہ میں اپنے بھتیجے نور خان کے گھرگیا جس کا بیٹا عبداللہ عمر تین سال میرے ساتھ باہر آ گیا، میں اورمیرا بھائی حیات خان روڈ کے کنارے ایک پلاٹ میں بیٹھ گئے ، عبداللہ روڈ کے کنارے کھیل رہا تھا کہ اسی اثناء میں ایک ٹریکٹر ٹینکی رانگ سائیڈ سے آئی میر جس نےعبداللہ کو سامنے سے ہٹ کیا اور ٹریکٹر کے نیچے کچل دیا اور وہ موقع پر ہی فوت ہو گیا۔
تھانہ سہالہ کے علاقہ میں ٹی چوک میں ٹریفک حادثہ میں دوخواتین جاں بحق اورایک شدیدزخمی ہوگئی ،ریسکیو1122کے مطابق ہفتہ کو آغاجی ہوٹل کے سامنے ٹی چوک میں ایک گاڑی تیزرفتاری کے باعث الٹ گئی جس سے اس میں سوار ایک خاتون 34سالہ صاعقہ موقع پرجاں بحق ہوگئی جب کہ دیگردوخواتین 27سالہ رخسار اور45سالہ کرن شدیدزخمی ہوگئیں جنہیں پمزہسپتال اسلام آبادمنتقل کردیاگیا۔
ایس ایچ اوسہالہ کے مطابق پمزمیں زخمیوں میں سے ایک خاتون بھی بعدازاں زخموں کی تاب نہ لاتے ہوئے دم توڑگئی ۔
(93)
