راولپنڈی:تھانہ صدر بیرونی کے علاقہ ثمر زار اڈیالہ روڈ پر دوگروپوں میں تصادم کے نتیجے میں 5افرادزخمی ہوگئے ، جن میں سے دوکی حالت خطرے میں بیان کی جاتی ہے۔
پولیس کے مطابق اراضی کے تنازع میں ہفتہ کی شام راجہ عابد،راجہ نوازش گروپ اورناصر،یوسف وغیرہ کے درمیان جھگڑے کے دوران فائرنگ سے پانچ افرادزخمی ہوگئے جنہیں بے نظیربھٹوہسپتال منتقل کیاگیاجہاں دونوں گروپوں میں ایک بارپھرجھگڑاہوگیا اس دوران پولیس کی بھاری نفری طلب کرلی گئی اورزخمیوں میں سے ایک گروپ کے افرادکوڈسٹرکٹ ہیڈکوارٹرہسپتال منتقل کردیاگیا ۔
دونوں ہسپتالوں میں پولیس نفری تعینات کردی گئی ،پولیس نے4 ملزموں کو گرفتار کرکے 3 رائفلیں ،ایک پسٹل ،گولیاں کارتوس اور میگزین قبضے میں لے لئے ،پولیس کے مطابق گرفتار ملزموں کی شناخت اسد، ذیشان، سلیم اور خلیل کے ناموں سے ہو ئی ،جب کہ واقعہ میں ملوث دیگر ملزموں کی گرفتاری کے لیے چھاپے مارے جارہے ہیں۔
دریں اثناءراولپنڈی کے مختلف علاقوں میں لڑائی جھگڑے کے دیگر واقعات میں دوافرادزخمی ہوگئے ۔ واقعات تھانہ رتہ امرال اور تھانہ نیوٹاؤن کے علاقوں میں پیش آئے۔
(14)
