کلرسیداں:چوآخالصہ کے قریب نوجوانوں کو مرغوں کو لڑانا مہنگا پڑ گیا پولیس نے رنگ میں بھنگ ڈال دی۔پانچ نوجوان گرفتار،دو مٹرسائیکل 33 ہزار کی نقدی اور تین موبائل بھی برآمد کر لیئے گئے۔
تفصیلات کے مطابق کلر سیداں پولیس کے سب انسپکٹر افضل محمود موبائل گاڑی میں ملازمین کے ہمراہ چوآخالصہ میں موجود تھے کہ انہیں مخبر نے اطلاع کی کہ گہدر دربار کے قریب مرغوں کا جوا ہو رہا ہے جہاں کافی لوگ تماشہ دیکھ رہے ہیں۔
کلرسیداں پولیس نے چھاپہ مار کر افنان ولد رزاق سکنہ موہڑہ لنگڑیال، بلال طارق ولد طارق سکنہ موہڑہ دھیال، زاہد ولد یعقوب سکنہ موہڑہ دھیال، عمر ارشد ولد ارشد محود موہڑہ لنگڑیال، عثمان ولد ولایت ساکن موہڑہ چاچیاں دوبیرن کلا ں کو گرفتار کر لیا ۔
جبکہ قیصر شبیر سکنہ موہڑہ لنگڑیال،سکندر سکنہ کنوہا،عاطف سکنہ سہوٹ،فیضان سکنہ پنڈ سر صوبہ شاہ اپنے اپنے مرغوں کے ہمراہ فرار ہونے میں کامیا ب ہو گئے۔
کلر سیداں پولیس نے گرفتار نوجواں سے 35ہزار روپے کی نقدی،دو موٹر سائیکل اور تین موبائل برآمد کر کے ان کے خلاف قمار بازی ایکٹ کے تحت مقدمہ درج کر لیا۔
(31)
