راولپنڈی:بدبخت استادنے 11سالہ طالبہ کو بے دردی سے قتل کردیا۔تھانہ رتہ امرال کو چک مدد ویسٹریج کے رہائشی زاہدنصیرنے بتایاکہ میری بیٹیاں بریرہ زاہدعمر 11سال ساتویں جماعت اوردوسری بیٹی سات سالہ چوتھی جماعت کی طالبہ ہیں ہیں اور سیکنڈٹائم زاہدہ پروین بیوہ عابدحسین کے گھرمیں ٹیوشن پڑھتی ہیں ۔
پیرکوحسب معمول ٹیوشن کے لئے گئی تھیں جن کوشام چاربجے میں اورمیرابھائی شاہدنصیرلینے کے لئے گئے ،جوں ہی ہم زاہدہ کے گھرکے قریب پہنچے تو ہمارے دیکھتے ہوئے عادل ولدچن زیب سکنہ محلہ چک مدد چھرا پکڑے ہوئے زاہدہ کی بیٹھک میں داخل ہوا ،میری بیٹی بریرہ کومارناشروع کردیا اورزبردستی زمین پر گراکر اس کی گردن پر چھراچلادیاجس سے وہ شدیدزخمی ہوگئی۔
زاہدہ بی بی اورباقی بچوں نے شورکرناشروع کردیا،عادل ہاتھ میں چھراپکڑے ہوئے بھاگنے لگاتو ہم نے اسےپکڑلیا،میری بیٹی بعد ازاں چل بسی ۔
مدعی نے پولیس کوبتایا کہ ملزم عادل میری بیٹی بریرہ کو سپا رہ پڑھاتا تھا، مقتولہ نے مجھے بتایا تھاکہ استاد مجھے غلط نظروں سے دیکھتے ہیں جس کامیں نے عادل کوگلہ کیا تھا ،اسی رنجش پر اس نے میری بیٹی کو ناحق قتل کردیا ۔
ریسکیو1122کے مطابق مقتولہ کی گردن پرگہراکٹ پایاگیا۔پولیس نے ڈسٹرکٹ ہیڈکوارٹرہسپتال میں پوسٹ مارٹم کے بعد لاش ورثاءکے حوالے کردی ۔
(90)
