کلیام شریف:دربار عالیہ کلیام شریف حضرت خواجہ فضل الدین شاہ کلیامی چشتی صابری (رح) کے عرس کی تیاریاں عروج پر، تقاریب کا انعقاد گزشتہ روز سجادگان نشین دربار عالیہ کلیام شریف صاحبزادہ سائیں محسن فقیر اور صاحبزادہ سائیں حسن فقیر کی رہائشگاہ میں تقریب بسلسہ جشن فرید و یاد تقریب سائیں فقیر محمد (ر) کا انعقاد کیا گیا ۔
تقریب میں سجادہ نشین آستانہ عالیہ اجمیر شریف انڈیا صاحبزادہ سید بلال حسین شاہ چشتی نے خصوصی شرکت کی جبکہ ملک کے نامور نعت خوان حضرات، قاری قرآن،نقیب محفل محفل کی زینت بنے بعد ازاں محفل سماں کا انعقاد کیا گیا جس میں ملک پاکستان کے نامور قوال حضرات نے سماں باندھا ۔
اس موقع پر صاحبزادہ سائیں محسن فقیر نے کہا کہ ہماری خوش قسمتی ہے کہ عظیم درگاہ بادشاہ پاک و ہند حضرات خواجہ غریب نواز کی عظیم خانقاہ سے چراغ چشت سجادہ نشین آستانہ عالیہ اجمیر شریف سید بلال حسین شاہ چشتی تشریف فرما ہوئے اس موقع پر انھوں نے کہا کہ ملک بھر سے عقیدت مند چاہنے والے بابا جی کلیامی کے حضور حاضری پیش کرتے ہیں اولیا اللہ کے مزاروں پر قلبی سکون میسر ہوتا ہے۔
انھوں نے تمام مہمانان گرامی عقیدت مندوں اور چاہنے والوں کا شکریہ ادا کیا جبکہ اس موقع پر سجادہ نشین آستانہ عالیہ اجمیر شریف انڈیا صاحبزادہ سید بلال شاہ چشتی نے روحانیت سے بھرپور گفتگو کی اور خصوصی دعا بھی کی جبکہ اس موقع پر عقیدت مندوں کو اپنے دست مبارک سے چشتی دوپٹے پیش کیے محفل میں کثیر تعداد میں مریدین عقیدت مندوں چاہنے والوں نے شرکت کی۔
(83)
