راولپنڈی:راولپنڈی میں جان خطرے میں ڈال کر لوگوں تفریح فراہم کرنے والا موٹر سائیکلسٹ بخت الله حادثے کا شکار ہوکر دم توڑ گیا۔
میڈیا کے مطابق راولپنڈی میں لکی ایرانی سرکس کے موت کے کنویں میں موٹر سائیکل چلانے والا بخت الله حادثے کا شکار ہوا، زخمی موٹر سائیکلسٹ کو فوری طبی امداد کے لیے اسپتال منتقل کیا گیا جہاں وہ دم توڑ گیا۔
ہائے رے غربت
— خزیفہ کشمیری سدوزئی (@Huzaifa398) May 18, 2022
راولپنڈی ایوب پارک میں موت کا کنواں ایک بزرگ کو نگل گیا پاس کھڑی بیٹی روتی رہی pic.twitter.com/CA9tei0Ffh
حادثے کی ویڈیو میں دیکھا جاسکتا ہے کہ موت کے کنویں میں موٹر سائیکل چلاتے محنت کش سے موٹر سائیکل لاکھڑائی جس کے باعث بخت اللہ کو شدید چوٹیں آئیں۔
دوسری جانب راولپنڈی پولیس حادثے سے بے خبر نکلی، تھانہ مورگاہ کے ڈیوٹی محرر نے بتایا کہ سرکس میں پیش آئے واقعے کی کوئی اطلاع نہیں دی گئی۔
ایونٹ آرگنائزر لکی ایرانی سرکس محمد ستار کا کہنا ہے کہ حادثے میں زخمی ہونے کے باعث دم توڑنے والے ملازم کی سرکس انتظامیہ کی جانب باقائدہ کفالت کی جائے گی۔
ایونٹ آرگنائزرنے مزید کہا کہ ایوب پارک میں لکی ایرانی سرکس کا شیڈول مکمل ہوچکا اب گوجرخان منتقل کی جا رہی ہے۔
(7)
