کلر سیداں:مکان کی چھت گرنے سے 24 سالہ نوجوان ملبے تلے دب کر شدید زخمی ہو گیا۔
کلر سیداں کے نواحی علاقہ چھپری اکو میں حالیہ بارشوں کے باعث کچے مکان کی چھت کی ایک سائیڈ متاثر ہونے کی وجہ سے 24سالہ قیصر محمود کمرے سے سامان نکال کر محفوظ جگہ منتقل کر رہا تھا کہ اسی دوران مکان کی پوری چھت اس کے اوپر آ گری جس کے نتیجے میں وہ ملبے تلے آ گیا اور آدھے گھنٹے تک ملبے کے نیچے ہی تڑپتا رہا ۔
تا ہم شک گزرنے پر جب اس کے قریبی رشتہ دار نے کمرے کے اندر جا کر دیکھا تو مکان کی چھت کا ملبہ اس کے اوپر گرا ہوا تھا جس پر اس نے اسے ملبے سے باہر نکال کر ریسکیو 1122 کو اطلاع کر دی جنہوں نے اسے ٹی ایچ کیو ہسپتال کلر سیداں میں ابتدائی طبی امداد کے بعد راولپنڈی منتقل کر دیا گیا جہاں اس کی حالت تشویشناک بیان کی جاتی ہے۔
(43)
