کلر سیداں:کلر سیداں میں واردات کے دوران چوروں نے سمندر پار پاکستانی کو لاکھوں روپے مالیت کی نقدی اور برطانوی پاؤنڈز سے محروم کردیا، پولیس نے مقدمہ درج کر کے تفتیش شروع کر دی۔
محمد افضال سکنہ کمبیلی صادق نے ابتدائی رپورٹ میں بیان دیا کہ میں برطانوی شہری ہوں اور تقریباً عرصہ آٹھ سال سے اپنی والدہ کی بیماری کیوجہ سے پاکستان آیا ہوا ہوں اور میرے بھانجے محمد نعیم حسین بھی برطانوی شہری ہے پاکستان آیا ہوا ہے۔
میرے بھانجے نے نقدی رقم مبلغ پچیس لاکھ روپے علاوہ 35 سو برطانوی پاؤنڈز میرے پاس بطور امانت رکھے ہوئے تھے جو گزشتہ روز لینے کیلئے میرے پاس آیا اور جب بکس کھولا تو اس کے اندر ایک میرا بیگ بھی موجود تھا جس کا تالا اور زیپ ٹوٹی ہوئی تھی اور بیگ کے اندر سے مبلغ چھ لاکھ ساٹھ ہزار روپے اور مبلغ 35 سو برطانوی پاؤنڈز موجود نہ تھے۔
اس طرح ٹوٹل رقم تقریبا 1500,000بکس سے غائب پائی گئی جنہیں نامعلوم ملزم یا ملزمان نے سوچے سمجھے منصوبے کے تحت ہماری عدم موجودگی کا فائدہ اٹھاکر چوری کر کے لے گئے ہیں۔
(167)
