راولپنڈی :تین نوسرباز وں نے شہری کو 9لاکھ80ہزار روپے مالیت کے ڈالرز،پچاس ہزارروپے اوردوموبائل فونزسے محروم کردیا۔ تھانہ آراے بازارکو محمد عرفان کاشف نے بتایا کہ میں نے بنک سے ڈالر جنکی مالیت پاکستانی کرنسی میں 9لاکھ80ہزار روپے بنتی ہے نکلوا کر چینج کروانے کے لیے مال پلازہ صدر جارہا تھا کہ ایک نامعلوم شخص نے پیسے نیچے پھینکے اور پھر اٹھائے جس پر میں نے غور نہ کیا اور آگے بڑھ گیا۔
وہاں ایک آدمی رو رہا تھا کہ میرے پیسے وہ آدمی اٹھا کر بھاگ گیا ہے تم میری مدد کرو ان کے ساتھ ایک اور نامعلوم شخص بھی تھا جو پیچھے چل رہا تھا میں ان دو نوں نامعلوم اشخاص کے ساتھ واپس اس پہلے شخص کے پاس آیا جس نے پیسے نیچے پھینکے ہوئے تھے اور ان دونوںنے نیچے گرےپیسے اٹھا کر اس کو واپس کر دیئے لیکن ان میں سے ایک شخص نے کہا کہ پیسے اس طرح واپس نہ دو پیسے جا کر مسجد میں دیں گے اور پھر ہم مسجد کے لیے چل پڑے۔
ادھر ہی فٹ پاتھ کے نزدیک وہ تین نا معلوم ا فراد اکٹھے ہو گئے ، انہوں نے یکدم مجھے گھیر لیا اور مجھ سے میرے ڈالر اور نقدی 50ہزار روپے، دو موبائل فون ایک ہینڈ بیگ چھین کر فرار ہو گئے۔
(6)
