کلر سیداں:تھانہ کلر سیداں پولیس نے چھ ماہ قبل نقب زنی کی واردات میں ملوث تین ملزمان محمد جواداور گلریز عباس سکنائے سروہا چوہدریاں اور چن زیب سکنہ لونی مشراں کو گرفتار کر کے ان کے قبضہ سے 35 ہزار روپے اور پانچ عدد مسروقہ موبائل فونز برآمد کر کے جوڈیشل ریمانڈ کیلئے اڈیالہ جیل روانہ کر دیا۔
ملزمان نے دوران تفتیش انکشاف کیا تھا کہ انہوں نے قیصر سفیر موبائل شاپ سے موبائل فونز اور نقدی چوری کر لی تھی۔
مدعی قیصر سفیر سکنہ چوآ خالصہ کے مطابق نامعلوم ملزمان نے اس کی دکان کے عقبی حصے کی دیوار کو توڑ کر 15 عدد نئے ٹچ موبائل فونز اور تقریبا 21عدد سیکنڈ ہینڈ موبائل فونزجن کی مجموعی مالیت چھ لاکھ روپے بنتی ہے اور غلے میں موجود تیس ہزار روپے کی رقم چوری کر لی تھی۔
(112)
