نیویارک: اگر آپ اپنی واٹس ایپ پر ہونے والی گفتگو کو مخفی رکھنا چاہتے ہیں تو اس کا ایک آسان طریقہ خود واٹس ایپ کی طرف سے ہی اپنے صارفین کو مہیا کیا گیا ہے۔
واٹس ایپ میں ایک ایسا فیچر ہے جس سے زیادہ لوگ واقف نہیں ہیں۔ اس فیچر میں آپ اپنے واٹس ایپ کو فنگرپرنٹ یا فیس لاک لگا سکتے ہیں تاکہ اگر آپ کا فون کسی دوسرے کے ہاتھ میں جاتا بھی ہے تو وہ آپ کا واٹس ایپ نہ کھول سکے۔
واٹس ایپ کا یہ فیچر آئی او ایس اور اینڈرائیڈ دونوں طرح کے صارفین کے لیے دستیاب ہے۔ اینڈرائیڈ صارفین کو یہ فیچر ایکٹو کرنے کے لیے سیٹنگز میں جاکر اکاؤنٹ اور پھر پرائیویسی کے آپشن میں جانا ہو گا۔ وہاں آپ کو فنگرپرنٹ لاک کا آپشن نظر آئے گا۔ یہاں سے اسے ’آن‘ کر دیں اور اپنا فنگرپرنٹ کنفرم کر دیں۔یہاں سے آپ لاک کی ٹائمنگ بھی سیٹ کر سکتے ہیں کہ واٹس ایپ کھلا رہنے پر کتنی دیر بعد خود بخود لاک لگ جائے۔
آئی او ایس صارفین بھی سیٹنگز میں جا کر اکاؤنٹ اور پھر پرائیویسی میں جائیں۔ یہاں بالآخر آخر میں آپ کو سکرین لاک کا آپشن نظر آئے گا۔ اس میں جا کر آپ ’ٹچ آئی ڈی‘ یا ’فیس آئی ڈی‘ کے ذریعے واٹس ایپ ان لاک کرنے کا انتخاب کر سکتے ہیں۔ اس کا انحصار آپ کے آئی فون ماڈل پر بھی ہو گا۔ آپ اینڈرائیڈ یا آئی او ایس پر اس فیچر کو کسی بھی وقت بند بھی کر سکتے ہیں۔
(108)
