گوجر خان :تحصیل ہیڈ کوارٹر ہسپتال گوجر خان میں جیب تراشی کی وارداتیں کرنے والا لیڈیز گینگ پکڑا گیا ، ہزاروں روپے کی نقدی اور موبائل فون برآمد کر لئے گئے ۔
تفصیلات کے مطابق سول ہسپتال گوجرخان میں خواتین کے پرس اور شاپر وغیرہ کاٹ کر انہیں نقدی زیورات اور موبائل فون وغیرہ سے محروم کرنے کی متعدد وارداتیں ہوئی جس پر ایم ایس ڈاکٹر غلام مرتضیٰ نے سخت نوٹس لیتے ہوئے سیکورٹی انتظامات اور سی سی ٹی وی کے ذریعے سخت مانیٹرنگ کے اقدامات کیے۔
جس پر سول ہسپتال سے تین جیب تراش عورتوں پر مشتمل گروہ کو پکڑ لیا گیا، جیب تراش عورتوں سے ہزاروں روپے کی نقدی اور متعدد موبائل فون بھی برآمد ہوئے، گرفتار خواتین کا تعلق فتح جھنگ کے علاقے سے بتایا جاتا ہے۔
(81)
