راولپنڈی: تھانہ صدربیرونی پولیس نے کارروائی کرتے ہوئے موٹر سائیکل چوری اور پرس سنیچنگ کی وارداتوں میں ملوث 3 رکنی ساغری گینگ کا سرغنہ 2ساتھی ملزمان سمیت گرفتار کر لیا۔ملزمان کے قبضہ سے چوری شدہ موٹر سائیکل اور مسروقہ رقم برآمد کر لی گئیں۔
تفصیلات کے مطابق راولپنڈی پولیس کا منظم اورمتحرک گینگز کے خلاف کاروائیوں کاسلسلہ جاری ہے،ایس ڈی پی اوصدرسرکل کی زیرنگرانی ایس ایچ اوصدربیرونی نے اپنی ٹیم کے ہمراہ کاروائی کرتے ہوئے موٹر سائیکل چوری اور پرس سنیچنگ کی وارداتوں میں ملوث 3 رکنی ساغری گینگ کے سرغنہ کو 2ساتھی ملزمان سمیت گرفتارکرلیا۔
گرفتار ملزمان میں گینگ سرغنہ ساغر خان عرف ساغری، جمیل خان اور محمد وسیم عرف سیمی شامل ہے، ملزمان کے قبضہ سے چوری شدہ موٹر سائیکل اور مسروقہ رقم 58 ہزار روپے بھی برآمدکرلیے،ملزمان نے تفتیش کے دوران چوری شدہ موٹرسائیکلوں کو سپیئر پارٹس کی صورت میں فروخت کرنے کا انکشاف کیا۔
سی پی اومحمد احسن یونس نے ایس پی صدر،ایس ڈی پی اوصدرسرکل،ایس ایچ اوصدربیرونی اورپولیس ٹیم کو شاباش دیتے ہوئے کہاکہ گینگ کے دیگر سہولت کاروں کا بھی گرفتارکیاجائے اورمنظم گینگز کے خلاف کاورائیاں جاری رکھی جائیں۔
(72)
