اسلام آباد:تھانہ سبزی منڈی آئی ٹین مرکز میں آرٹیفیشل جیولری سٹال کے مالک کو قتل کر دیا گیا۔ عینی شاہدین کے مطابق مسلح موٹر سائیکل سوار نے فائرنگ کرکے ایوب نامی نوجوان کو قتل کیا اور فرار ہو گیا۔ ضلع کوہستان سے تعلق رکھنے والا 19سالہ نوجوان سر میں فائر لگنے سے موقع پر جاں بحق ہوا۔
آئی جی سید علی ناصر رضوی نے ملزمان کی جلد گرفتاری کا حکم دیا۔ تھانہ نیلور ٹھنڈا پانی میں اراضی تنازع پر سنیٹر عبدالنبی بنگش اور اورنگزیب گروپوں میں مسلح تصادم کے نتیجے میں 3راہگیروں سمیت 9افراد زخمی ہو گئے۔ دو طرفہ فائرنگ سے مین لہتراڑ روڈ کئی گھنٹے بند رہی۔
پولیس نے 10سے زائد افراد کو گرفتار کر کے 3کلاشن کوفیں قبضہ میں لے لیں۔ تھانہ سیکرٹریٹ کو محمد پرویز نے بتایا کہ 37سالہ موٹر سائیکل سوار حماد الرحمان کو تیزرفتار ڈمپر نے کچل دیا جس سے وہ موقع پر جاں بحق ہوگیا۔
(6)
