اسلام آباد:وفاقی دارالحکومت کے تھانہ جھنگی سیداں کے علاقے میں جمعہ کو پولیس مقابلے کے دوران کانسٹیبل خرم زخمی اور انصار علی نامی ایک مبینہ اغواء کار ہلاک ہو گیا ۔
تھانہ نون پولیس کو اطلاع ملی تھی کہ ایک خاتون کار میں نعمان نامی نوجوان کو ٹریپ کر کے پشاور سے لا ئی ہے اور مبینہ اغواء میں استعمال ہونے والی گاڑی جھنگی سیداں میں کھڑی ہے ۔
جمعہ کی شام ملزمان جب گاڑی لینے آئے تو پولیس پارٹی کو دیکھ کر فائرنگ شروع کر دی جس سے کیپٹل پولیس کا جوان خرم ٹانگ پر فائر لگنے سے زخمی ہو گیا ۔
جوابی فائرنگ سے ملزم کو بھی سینے پر فائر لگا جو ہسپتال میں چل بسا۔پولیس نے مغوی اورعورت کو حراست میں لے لیا ۔
(0)
