روات:راولپنڈی پولیس کی موثر پولیسنگ، چونترہ کے علاقہ میال میں 9افراد کے قتل میں ملوث پانچ مجرمان کو معزز عدالت نے سزائیں سنا دیں،مجرمان کو 5/5 مرتبہ سزائے موت، 5 مرتبہ عمر قید اور 5/ 5 لاکھ روپے جرمانے کی سزائیں سنائیں۔
مجرمان رب نواز، دانش نواز، محمد اشرف اور محمد عاقب کو 5/5مرتبہ سزائے موت اور5/5لاکھ روپے جرمانے کی سزائیں سنائیں گئیں، مجرم اکرام نواز کو 5مرتبہ عمر قید اور 5لاکھ روپے جرمانے کی سزا سنائی گئی۔
مجرمان نے سابقہ دشمنی کی بناء پر جولائی 2020میں فائرنگ کرکے خواتین اور بچوں سمیت 9افراد کو قتل کر دیا تھا، واقعہ کا مقدمہ نذر عباس کی مدعیت میں تھانہ چونترہ میں درج کیا گیا تھا۔
راولپنڈی پولیس نے مجرمان کو گرفتار کرکے ٹھوس شواہد کے ساتھ چالان کیا اور مقدمہ کی موثر پیروی کی، موثر پیروی کے پیش نظر معزز عدالت نے مجرمان کو قرار واقعی سزائیں سنائیں۔
(0)
