میرپور:پاکستان سمیت دنیا بھر میں آج یومِ یکجہتی کشمیر منایا گیا۔
ہر سال کی طرح اس بار بھی یومِ یکجہتی، کشمیریوں کی مکمل حمایت کے عزم اور مقبوضہ کشمیر میں نہتے کشمیریوں پر قابض بھارتی افواج کے مظالم کی مذمت کے طور پر منایا گیا۔
آج یومِ یکجہتی کشمیر کے موقع پر پاکستان سمیت مختلف ممالک میں ریلیاں نکالی گئیں، جلسوں اور احتجاجی مظاہروں کا اہتمام بھی کیا گیا۔
کوہالہ پُل پر انسانی ہاتھوں کی سب سے بڑی زنجیر بھی بنائی گئی جبکہ مرکزی تقریب منگلا پل میرپور میں ہوئی ۔ عوام نے مقبوضہ کشمیر کے مظلوم شہریوں کے ساتھ بھرپور یکجہتی کا اظہار کیا۔
یومِ یکجہتی کشمیر کے موقع پر بیرون ملک پاکستانی سفارت خانوں میں بھی خصوصی تقاریب منعقد کی گئیں۔
(37)
