مری :مری میں برف کے طوفان میں پھنسے چار دوست بھی انتقال کرگئے، انہوں نے مری میں برف باری کے دوران اپنی زندگی کی آخری سیلفی لی۔
سیر و تفریح کے لیے آنے والے 4 دوستوں نے برف پر سیلفی بھی لی تھی جو ان کی زندگی کی آخری سیلفی ثابت ہوئی، سیلفی سوشل میڈیا پر وائرل ہورہی ہے جس پر صارفین گہرے دکھ اور غم کا اظہار کر رہے ہیں۔
ڈپٹی کمشنر کا کہنا ہے کہ چاروں دوست گاڑی میں مردہ حالت میں پائے گئے۔
جاں بحق 3 افراد سہیل خان، اسد اور بلال کا تعلق مردان جبکہ چوتھے نوجوان بلال حسین کا تعلق کراچی سے تھا۔
واضح رہے کہ مری میں شدید برف باری اور ٹریفک جام میں پھنسے ہونے کی وجہ سے 21 افراد جان کی بازی ہار گئے۔
برف باری کا لطف اٹھانے کے لیے لاکھوں افراد نے گزشتہ روز مری کا رخ کیا تھا، برف باری کی وجہ سے متعدد گاڑیاں سڑکوں پر پھنس گئیں اور ہزاروں سیاحوں نے گزشتہ رات سڑکوں پر گزاری۔
(318)
