ڈائریکٹر جنرل سوشل ویلفیئر بلوچستان قربان علی مگسی نے کہا ہے کہ حکومت بلوچستان صوبے کے معذور افراد کی بحالی کےلئے ٹھوس اور جامع منصوبہ بندی کر رہی ہے ، حکومت پسے ہوئے طبقے کے افراد کو باعزت روزگار کی فراہمی کےلئے انہیں مختلف اسکلز میں ماہر بنا کر معاشرے کا کارآمد شہری بنائے گی
وزیر اعلیٰ بلوچستان میر سرفراز خان بگٹی کے احکامات کی روشنی میں بیس کروڑ روپے کے ویل چئیر الیکٹرک ویل چیئر ٹرائی موٹر سائیکل فراہم کر دئیے ہیں ۔ یہ بات انہوں نے جمعرات کو صحافیوں سے گفتگو کرتےہوئے کہی۔ بلوچستان انڈومنٹ فنڈز کے تحت اب تک مستحق مریضوں کی علاج معالجہ کےلئے ساڑھے چار ارب روپے دئیے گئے ہیں صوبے بھر میں چائلڈ پروٹیکشن سینٹرز اور بھکاریوں کےلئے ہوم سینٹرز قائم کئے جا رہے ہیں، نشے کے عادی افراد کے علاج و بحالی کےلئے بحالی صوبے بھر میں مراکز قائم کر دئیے ہیں جہاں دس ہزار افراد کی بحالی کے ساتھ ساتھ انہیں مختلف اسکلز میں ماہر بنا کر معاشرے کے کارآمد شہری بنائیں گے۔
وزیر اعلی بلوچستان میر سرفراز خان بگٹی کے وژن کے تحت ڈیرہ مراد جمالی پنجگور لسبیلہ لورالائی اور چمن میں نشہ بحالی کمپلیکس قائم کر دئیے گئے ہیں تمام ڈویژنل ہیڈ کوارٹرز میں خواتین کےلئے دارالامان قائم کئے جا رہے ہیں، چائلڈ پروٹیکشن کی شکایات کےلئے 1121 سینٹر بنایا گیا ہے ۔قربان علی مگسی نے کہا کہ موجودہ حکومت نشے کے عادی افراد کی رلاج وبحالی کےلئے جع اور دیرپا اقدامات اٹھا رہی ہے 2008 سے اب تک سترہ زار نشے کے عادی افراد کے علاج وبحالی کی گئی ہے۔
وزیر اعلی بلوچستان میر سرفراز خان بگٹی کی دلچسپی اور پارلیمانی سکرٹری ولی محمد نورزئی کے وژن و احکامات کے تحت سوشل ویلیفئرکے بحالی سینٹرز کے علاوہ انیس پرائیویٹ بحالی سینٹرز میں پندرہ سو باون افراد کی علاج وبحالی کرایا جا رہا ہے جن کے تمام تر اخراجات حکومت بلوچستان ادا کر رہی ہے اور ساتھ ہی نشے کے عادی افراد کو مختلف اسکلز اور ٹریننگ دیکر انہیں باعزت روزگار کے مواقع فراہم کر رہے ہیں ، انہوں نے کہا کہ سوشل ویلفئیر محکمہ بیس کروڑ روپے کی خطیر رقم سے میرٹ پر معذور افراد میں اسی ٹرائی موٹر سائیکل، دو سو وہیل چیئر، سو الیکٹرک وہیل چیئر سمیت دیگر ضروری آلات کی فراہم کی جا رہی ہے تاکہ انہیں معاشرے کا کارآمد فرد بنایا جا سکے۔
انہوں نے کہا کہ بلوچستان انڈومنٹ فنڈز کے تحت اب تک چار ہزار دو سو مریضوں کو علاج معالجے کے لیے ساڑھے چار ارب روپے کی مالی معاونت فراہم کی جا چکی ہے۔ یہ اقدام صوبے میں صحت کی سہولیات کی بہتری کی جانب ایک اہم پیش رفت ہے۔قربان مگسی نے بتایا کہ بلوچستان کے ہر ڈویژنل ہیڈکوارٹر میں دارالامان قائم کیے جا رہے ہیں تاکہ بے سہارا اور مستحق خواتین کو پناہ، تحفظ اور بحالی کی سہولیات فراہم کی جا سکیں۔