بیول/گوجر خان:بیول موضع منجوٹھہ رات کی تاریکی میں چوری کی بڑی واردات،نامعلوم چور لاکھوں کا سونا نقدی لے کر رفو چکر ہو گئے۔
موضع منجوٹھہ کے رہائشی ٹھیکیدار تنویر کیگھر میں رات کو نامعلوم چور داخل ہو ئے اور تالے کاٹ کر 50 لاکھ سے زائدکا سونا،دو لاکھ سے زائد نقد رقم لے کر رفو چکر ہو گئے۔
تنویر کے گھر میں اس کی بہن اور دیگر رشتہ داروں کا سونا رکھا ہواتھا جو کہ پچاس لاکھ سے زائد مالیت کا تھا اور دو لاکھ سے زائد کی رقم بھی جو کہ اس کمرے میں رکھی گئی تھی وہ نامعلوم چور اڑا لے گئے جبکہ اس کے ساتھ ہی امام مسجد کی رقم رکھی گئی تھی جس کو چوروں نے ہا تھ تک نہ لگایااور اسے وہیں چھوڑ گئے۔
گھر کے تمام افرادساتھ والے کمرے میں سو ئے ہوئے تھے جن کو اس کی بالکل خبر نہ ہو ئی اور صبح جب جاگے تو انہیں واردات کا علم ہوا،سونے کے زیورات کے خالی ڈبے صبح کھیتوں میں ملے۔
(0)
