روات:ڈاکوؤں کی فائرنگ کے نتیجے میں 12 سالہ راہگیر لڑکا عبدالاحد جاں بحق، پولیس نے ایک ڈاکو کو زخمی حالت میں گرفتار کر لیا، زخمی حالت میں گرفتار ڈاکو ڈکیتی کے متعدد مقدمات میں ریکارڈ یافتہ ہے۔
واقعہ کی اطلاع پر سینئر پولیس افسران پولیس کی بھاری نفری کے ساتھ موقع پر پہنچ گئے، فرار ڈاکوؤں کی گرفتاری کے لئے سرچنگ جاری، ابتدائی اطلاعات کے مطابق پولیس نے تین مشکوک افراد کو رکنے کا اشارہ کیا تو انہوں نے پولیس پر فائرنگ شروع کر دی۔
ایس پی راول بابر جاوید جوئیہ نے کہا کہ فرار ملزمان کو بھی گرفتار کر کے قانون کے کٹہرے میں کھڑا کیا جائے گا،پولیس اور شہریوں پر حملہ آور ہونے والوں سے آہنی ہاتھوں سے نمٹا جائے گا۔
(53)
