کہوٹہ:کہوٹہ پولیس نے کارروائی کرتے ہوئے پکار 15پربوگس کال کرنے وا لے ملزم کوگرفتارکر لیا ۔ملزم محمد وقاص نے پکار 15 پر کال کی اسکی گاڑی چوری ہوگئی ہے۔
اطلاع ملتے ہی کہوٹہ پولیس فوری موقع پر پہنچی، دریافت پر ایسا کوئی واقعہ پیش نہ آیا،کہوٹہ پولیس نے پکار 15پر بوگس کال کرنے والے ملزم محمد وقاص کو گرفتارکرکے مقدمہ درج کرلیا۔
ایس پی صدر احمد زنیر چیمہ نے کہا پکار 15 عوام کے لیے ایمرجنسی کی صورت میں ایک سہولت ہے جس کے غلط استعمال کی اجازت نہیں دی جا سکتی، شہریوں سے التماس ہے کہ پکار 15 ایمرجنسی ہیلپ لائن پر غیر ضروری کالز سے اجتناب کریں۔
(37)
