لندن:برطانیہ میں پٹرولیم قیمتیں گزشتہ دو سال کے مقابلے میں کم ترین سطح پر آگئی ہیں۔ اے اے کے مطابق اکتوبر2021ء کے بعد پہلی بار اس ہفتے قیمتیں ایک پونڈ40پنس فی لیٹر پر آگئی ہیں۔ یہ یوکرین کی جنگ سے پہلے والی قیمت ہے۔
جولائی2022ءمیں ڈیزل اپنی ریکارڈ بلندی تقریباً دو پونڈ فی لیٹر تک پہنچ گیا تھا۔ قیمتوں میں کمی کے بعد اب55لیٹر کے عام پٹرول ٹینک کو بھرنے کے لیے قیمت کم ہوکر77پونڈ رہ گئی ہے جوکہ جولائی2022ء میں105پونڈ تھی۔
ایک ایسے وقت میں جبکہ مشرق وسطیٰ کے تنازعات اور بحیرہ احمر میں افراتفری کے باعث تیل کے جہازوں کو لڑائی کے علاقوں سے بچنے کے لیے جنوبی افریقہ کے روٹ کو استعمال کرنا پڑ رہا ہے اور ان کی لاگت میں اضافہ ہورہا ہے۔
پٹرول کی قیمتوں کا کم ہونا ایک اچھی خبر ہے۔ تاہم اس ہفتے بنک آف انگلینڈ کے گورنر اینڈریو بیلی نے خبردار کیا ہے کہ یہ تنازعات اس سال عالمی استحکام کے لیے بہت بڑا ممکنہ خطرہ ہے۔
(0)
