روات:تھانہ مورگاہ کے علاقہ میں موٹر سائیکل سوار 4ملزمان کی پولیس پارٹی پر فائرنگ،فائرنگ کے دوران دو ملزمان ہلاک، ہلاک ملزمان کے دو ساتھی فائرنگ کرتے ہوئے فرار ہو گئے۔
ہلاک ملزمان میں سے ایک کی شناخت احمد خان کے نام سے ہوئی جبکہ دوسرے کی شناخت کی جا رہی ہے، ہلاک ملزم احمد خان سٹریٹ کرائم کی متعدد وارداتوں میں ملوث و ریکارڈ یافتہ ہے، ملزمان نے کچھ عرصہ قبل مورگاہ کے علاقہ میں پولیس ریڈنگ پارٹی فائرنگ کر کے شعیب اے ایس آئی کو زخمی بھی کیا تھا۔
واقعہ کی اطلاع پر سینئر پولیس افسران موقع پر پہنچ گئے، فرار ملزمان کی گرفتاری کے لئے سرچنگ جاری، نعشوں کو پوسٹ مارٹم کے لئے ہسپتال منتقل کیا گیا ہے۔
(0)
