کلرسیداں:ٹریفک حادثے میں پانچ گاڑیاں آپس میں ٹکرا گئیں جس کے نتیجے میں دو افراد زخمی ہو گئے جنہیں راولپنڈی منتقل کر دیا گیا۔
ٹریفک کا یہ حادثہ کلر سیداں روات روڈ پر ڈھوک میجر کے قریب پیش آیا جہاں ویگو گاڑی کے رشید نامی ڈرائیور نے اپنی تیز رفتار گاڑی کو اچانک یوٹرن کرنے سے پیچھے سے آنے والی گاڑیاں آپس میں ٹکرا گئیں۔
جس کے نتیجے میں کیری ڈبے کا ڈرائیور حافظ محمد سعید اور شہزور گاڑی کا ڈرائیور حاجی محمد عنصر سکنہ موہڑہ کھو چوکپنڈوری شدید زخمی ہو گئے۔
حادثے کی اطلاع ملتے ہی سٹی ٹریفک پولیس کلر سیداں کے بیٹ انچارج راجہ سہیل صابر فوری طور پر موقع پر پہنچ گئے اور زخمیوں کو ہسپتال منتقل کر دیا ہے۔ حادثے میں گاڑیوں کو بھی نقصان پہنچا ہے۔
(0)
