اسلام آباد:جڑواں شہروں سے تین نوجوانوں اور ایک دوشیزہ کو اغواء کر گیا ہے۔تھانہ شالیمار کے علاقےای 11ٹو سے محمد نعیم کا بھائی عبدالوہاب اور اس کا دوست علی عباس 2 ہفتے سے لا پتہ ہیں، مدعی مقدمہ کے مطابق فون پر پتہ چلا کہ نا معلوم افراد دو گاڑیوں میں اغواء کر کے لے گئے۔
تھانہ انڈسٹریل ایریا کے علاقے آئی نائن فور سے پوسٹ آفس کے اہلکار کاشف نعیم کو اسلحہ کی نوک پر زبردستی اغوا کر لیا گیا۔ مغوی کے بھائی بلال نعیم نے مقدمہ درج کرایا کہ 10 لوگ جن میں 2 مسلح بھی شامل تھے خود کو سی ٹی ڈی پولیس کے اہلکار ظاہر کر کے اس کے بھائی کے اغوا کر کے لے گئے ۔
تھانہ نیو ٹاؤن کے علاقے شمس آباد سے رضیہ بی بی کی 23 سالہ بیٹی (ز) کو اغوا کر لیا گیا۔ تھانہ لوہی بھیر پولیس نے دوشیزہ کو اجتماعی زیادتی کا نشانہ بنانے کے الزام میں تین افراد کے خلاف مقدمہ درج کر کے عمر حیات کو گرفتارکر لیا ۔
دختر رمضان نے پولیس کو بتایا کہ اس کا منگیتر ثناء اللہ اڈیالہ جیل راولپنڈی میں مقید ہے جسے ملنے کے لیے وہ آئی تو اس کے منگیتر کا دوست عمر حیات اسے سواں گارڈن میں اپنے فلیٹ پر لے گیا جہاں سلیم اور غفار پہلے سے موجود تھے تینوں نے تشدد کر کے زبردستی اسے زیادتی کا نشانہ بنایا۔
(1)
