پاکستانیوں نے گزشتہ مالی سال میں 179 ارب روپے سے زائد کی چائے استعمال کی، گزشتہ مالی سال میں 2 لاکھ 46 ہزار 514 میٹرک ٹن چائے منگوائی گئی۔
دستاویز کے مطابق گزشتہ مالی سال میں چائے کا درآمدی بل 62 کروڑ 90 لاکھ ڈالر رہا۔
ء2023-24 کے مقابلے 25-2024ء میں درآمدات میں 4.20 فیصد کمی ریکارڈ کی گئی
مالی سال 24-2023ء میں 2 لاکھ 59 ہزار میٹرک ٹن چائے امپورٹ کی گئی، جون 2025ء کے دوران پاکستانی 14 ارب 18 کروڑ روپے کی چائے پی گئے، جون کے دوران 19 ہزار 804 میٹرک ٹن چائے درآمد کی گئی۔
سرکاری دستاویز کے مطابق 1 ماہ میں چائے کا درآمدی بل 4 کروڑ 97 لاکھ ڈالرز سے زائد رہا، مئی کے مقابلے میں جون میں چائے کی درمدآت میں 16.94 فیصد کمی ہوئی۔
مئی کے دوران 21 ہزار 971 میٹرک ٹن چائے درآمد کی گئی، جبکہ چائے کا درآمدی بل تقریباً 6 کروڑ ڈالرز ریکارڈ ہوا۔
