کوٹلی : حضرت خواجہ عالم قبلہ پیر صاحبؒ محمدصادق المعروف حضرت صاحبؒ درس شریف گلہار والوں کا13واں سالانہ عرس مبارک عقیدت واحترام کے ساتھ منایاگیا۔
وزیراعظم آزادکشمیرسردارعبدالقیوم نیازی،وزراء حکومت سمیت آزادکشمیر،پاکستان ودیگرعلاقوں سے لاکھوں سنگیوں نے شرکت کی۔سیکورٹی کے انتہائی سخت انتظامات کئے گئے تھے۔
ضلعی انتظامیہ اوردیگرمتعلقہ سرکاری محکمہ جات نے عرس کمیٹی کے ساتھ بھرپورتعاون کیا۔دعاصبح10بجے جناب پیرحافظ محمدزاہدسلطانی صاحب نے کی۔دعاسے پہلے قرآن خوانی اوردربارعالیہ کی جانب سے سنگیوں کے نام پیغام سنایاگیا۔
پیغام میں توحیدورسالت پرکامل ایمان،طریقت پریقین کے حوالے سے پیغامات دیئے گئے۔دعاکے بعدسنگیوں میں لنگربھی تقسیم کیاگیاجس میں لاکھوں کی تعدادمیں سنگیان نے شرکت کی۔عرس مبارک کے موقع پرضلع بھرمیں عام تعطیل بھی تھی۔
(85)
