راولپنڈی:تھانہ پیرودہائی کے علاقہ میں موٹرسائیکل سواروں کی فائرنگ سے ایک کانسٹیبل شہید اورایک سب انسپکٹراور دو کانسٹیبل زخمی ہوگئے۔
ذرائع کے مطابق پیرکی رات 11 بجے کے قریب راولپنڈی پولیس کے چار محافظ دو موٹرسائیکلوں پرجب کہ پولیس کی موبائل گاڑی میں موبائل افسرسب انسپکٹر منظور شہزاد، ڈرائیور اور دیگرملازمین کے ہمراہ علاقہ میں گشت کررہے تھے کہ آئی جے پی روڈ کے قریب سی ڈی اے چوک میں ایک موٹرسائیکل پرسوار نامعلوم ملزموں نے ان پرفائرنگ کردی جس سے محافظ سکواڈ کا کانسٹیبل خرم شہزادگولیاں لگنے سے جاں بحق ہوگیا ۔
جبکہ سب انسپکٹرمنظورشہزاد اور محافظ سکواڈکے دوکانسٹیبل عمرہارون اورکانسٹیبل عمر زخمی ہوگئے، اطلاع ملنے پر آر پی او اشفاق احمد خان اور سینئرپولیس افسران، بھاری نفری کے ہمراہ موقع پرپہنچ گئے۔
(47)
